பளிச் 10 - செப்டம்பர் 18- 22

 செப்டம்பர் 18

புர்ஜ் கலிஃபா

1. உலகின் மிக உயரமான கட்டிடமான புர்ஜ் கலிஃபா,  828 மீட்டர்கள் உயரம் கொண்டது.

2. துபாயில் அமைந்துள்ள இக்கட்டிடத்தில் 160 மாடிகள் உள்ளன.

3.   95 கிலோமீட்டர் தூரத்தில் இருந்தே இக்கட்டிடத்தைக் காணமுடியும்.

4. இக்கட்டிடத்தை கட்டும் பணியில் நாள்தோறும் சுமார் 12 ஆயிரம் தொழிலாளர்கள் ஈடுபட்டனர்.

5.இக்கட்டிடத்தில் உள்ள கண்ணாடி ஜன்னல்களை ஒருவர்  முழுமையாக துடைத்து முடிக்க 3 மாதங்கள் ஆகும் என்று கூறப்படுகிறது.

6. புர்ஜ் கலிஃபாவை  கட்டும் பணி 2004-ம் ஆண்டில் தொடங்கி, 2010-ம் ஆண்டில் நிறைவுபெற்றது.

7. இக்கட்டிடத்தின் 122-வது மாடியில் ஓட்டல் அமைந்துள்ளது.

8. புர்ஜ் கலிஃபா கட்டிடத்தில் உள்ள லிப்ட் மணிக்கு 60 கிலோமீட்டர் வேகத்தில் இயங்குகிறது.

9. தரைப்பகுதியைவிட புர்ஜ் கலிஃபாவின் உச்சியில் 15 டிகிரி செல்ஷியஸ் வெப்பநிலை குறைவாக இருக்கும்.

10. இக்கட்டிடத்தைவிட உயரமான கட்டிடம் தற்போது ஜத்தா நகரில் கட்டப்பட்டு வருகிறது.

 

----------------------------------------------

செப்டம்பர் 19

ஐபிஎல் கிரிக்கெட்

1. முதலில் 1995-ம் ஆண்டில் 50 ஓவர் போட்டிகளைக் கொண்ட தொடராக ஐபிஎல் கிரிக்கெட்டை நடத்த வேண்டுகோள் விடுக்கப்பட்டது. ஆனால் அது நிராகரிக்கப்பட்டது.

2. ஐபிஎல் தொடரில் ஆரம்பம் முதல் இன்றுவரை கேப்டனை (தோனி)  மாற்றாத ஒரே அணியாக சென்னை சூப்பர் கிங்ஸ் உள்ளது.

3. ஐபிஎல் இறுதி ஆட்டத்தில் அதிகமாக (6 முறை) ஆடிய  அணியாகவும் சென்னை சூப்பர் கிங்ஸ் உள்ளது.

4. மும்பை இந்தியன்ஸ் அணி, அதிகபட்சமாக 4 முறை ஐபிஎல் கோப்பையை வென்றுள்ளது.

5. ஐபிஎல் தொடரில் அதிகபட்சமாக விராட் கோலி 177 போட்டிகளில்  5,412 ரன்களைக் குவித்துள்ளார்.

6. ஐபிஎல் தொடரில் அதிக மெய்டன் ஓவர்களை வீசிய வீரர் பிரவீன் குமார். இவர் மொத்தம் 14 மெய்டன் ஓவர்களை வீசியுள்ளார்.

7. ஹர்பஜன் சிங், பார்த்தீவ் படேல் ஆகியோர் ஐபிஎல் தொடரில் அதிக முறை (13) டக் அவுட் ஆகியுள்ளனர்.

8. ஐபிஎல்லில் அதிக சிக்சர்களை அடித்த வீரர் கிறிஸ் கெயில். இவர் 125 ஆட்டங்களில் 326 சிக்சர்களை அடித்துள்ளார்.

9. அமித் மிஸ்ரா, இத்தொடரில் அதிகமாக 3 முறை ஹாட்ரிக் விக்கெட்களை வீழ்த்தியுள்ளார்.

10. இலங்கை வீரரான மலிங்கா, இத்தொடரில் அதிகபட்சமாக 170 விக்கெட்களை வீழ்த்தியுள்ளார்.

 

------------------------

செப்டம்பர் 20

பென்குயின்

1. உலகில் 17 வகையான பென்குயின்கள் உள்ளன.

2. மிகச் சிறிய வகை பென்குயின்கள் 12 அங்குலம் வரை மட்டுமே வளரும்.

3. மிகப்பெரிய வகை பென்குயின்கள் 4 அடி உயரம் வரை வளரும்.

4. பெண் பென்குயின்கள் இரைதேடச் செல்லும் சமயங்களில் ஆண் பென்குயின்கள் முட்டைகளை அடைகாக்கும்.

5. பென்குயின்களால் மணிக்கு 22 மைல் வேகத்தில் நீந்திச் செல்ல முடியும்.

6. பென்குயின்கள் இரை தேடுவதற்காக 50 கிலோமீட்டர் தூரம்வரை நீந்திச் செல்லும்.

7. பென்குயின்களால் தண்ணீருக்கு அடியில் 6 ஆயிரம் அடிவரை செல்ல முடியும்.

8. உலகின் மிக வயதான பென்குயின் இங்கிலாந்தில் வாழ்ந்தது. அது 40 ஆண்டுகள்வரை உயிர்வாழ்ந்தது.

9. இறக்கைகள் இருந்தாலும் பென்குயின்களால் பறக்க முடியாது.

10. பென்குயின்களின் குழுக்கள், காலனி என்று அழைக்கப்படுகிறது.

--------------------------------------------------------------------------------------

செப்டம்பர் 21

கேரட்

1. கேரட்கள் முதன்முதலில் ஆப்கானிஸ்தானில் விளைந்ததாக கூறப்படுகிறது.

2. ஆரம்ப காலக்கட்டத்தில் மருத்துவத்துக்கு மட்டுமே கேரட்கள் பயன்படுத்தப்பட்டன.  

3. உருளைக்கிழங்குக்கு அடுத்ததாக மக்களிடம்  அதிகம் புகழ்பெற்ற  காயாக கேரட் உள்ளது.

4. ஆண்டொன்றுக்கு சுமார் 40 மில்லியன் டன் கேரட் விளைவிக்கப்படுகிறது.

5. ஆரஞ்சு நிறத்தைத் தவிர வெள்ளை, மஞ்சள், சிவப்பு, ஊதா  நிறங்களிலும் கேரட்கள் உள்ளன.

6. கேரட்களில் 88 சதவீதம் தண்ணீர் உள்ளது.

7. கேரட்கள் அதிகபட்சம் 10 சென்டிமீட்டர் விட்டம் கொண்டதாக இருக்கும்.

8. சீனா, உஸ்பெகிஸ்தான், ரஷ்யா, அமெரிக்கா ஆகிய நாடுகளில் கேரட் அதிகமாக விளைகிறது.

9. கேரட் செடிகள் 1 மீட்டர் உயரம் வரை வளரும்.

10. இந்தியாவில் ஹரியாணா மாநிலத்தில் கேரட்கள் அதிகமாக விளைகின்றன.

------------------------------------------------------------------------------------------------------

செப்டம்பர் 22

பியானோ

1. பியானோ இசைக்கருவி, 1709-ம் ஆண்டில் இத்தாலி நாட்டைச் சேர்ந்த பர்டொலோமோ டி பிரான்சஸ்கோ கிறிஸ்டோஃபொரி என்பவரால் முதலில் வடிவமைக்கப்பட்டது.

2 .பியானோக்கள் முதலில் பியானோஃபோர்ட் என்று அழைக்கப்பட்டன.

3. பியானோக்கள் சராசரியாக சுமார் 450 கிலோ எடை கொண்டதாக இருக்கும்.

4 இந்த இசைக்கருவியில் 12 ஆயிரம் பாகங்கள் உள்ளன. இதில் 10 ஆயிரம் பாகங்கள் அசையும்  பாகங்களாகும்.

5. உலகின் மிகப்பெரிய பியானோ, நியூஸிலாந்தில் அட்ரியான் மான் என்பவரால் உருவாக்கப்பட்டது. 5.7 மீட்டர் நீளம் கொண்ட இந்த பியானோவின் எடை 1.4 டன்.

6. அமெரிக்காவில் மட்டும் சுமார் 18 மில்லியன் பியானோ இசைக் கலைஞர்கள் உள்ளனர்.

7. உலகின் மிகச்சிறந்த பியானோவாக ஸ்டீன்வே நிறுவனம் தயாரிக்கும் பியானோக்கள் விளங்குகின்றன.

8. அதிக விலைமதிப்புள்ள பியானோ, 3.22 மில்லியன் டாலர்களுக்கு விற்கப்பட்டது.

9. பியானோவில் உள்ள விசைகள், முன்பு யானைகளின் தந்தங்களால் தயாரிக்கப்பட்டன.

10. போலந்து நாட்டைச் செர்ந்த ரொமால்ட் கோபர்ஸ்கி என்பவர் பியானோவை தொடர்ந்து 103 மணிநேரம் இசைத்து சாதனை படைத்துள்ளார்.