பளிச் 10 -அக்டோபர் 28- 31

 அக்டோபர் 28

கிரிக்கெட்

1. கால்பந்துக்கு அடுத்ததாக, அதிக அளவில் ரசிகர்களைக் கொண்ட போட்டியாக கிரிக்கெட் உள்ளது. 2.5 பில்லியன் மக்கள் கிரிக்கெட் போட்டிகளை ரசித்து பார்க்கிறார்கள்.

2. 16-ம் நூற்றாண்டில் முழுக்க முழுக்க சிறுவர்கள் விளையாடும் போட்டியாக கிரிக்கெட் இருந்தது. பின்னர் நாளடையில் இது பெரியவர்களுக்கான ஆட்டமாக உருவெடுத்தது.

3. உலகெங்கிலும் 31 நாடுகள் கிரிக்கெட் போட்டிகளில் ஆடினாலும், 12 நாடுகள் மட்டுமே டெஸ்ட் போட்டிகளில் ஆடும் அந்தஸ்தைப் பெற்றுள்ளன.

4. கிரிக்கெட் போட்டிகளுக்கான பிட்ச்சின் நீளம் 20.12 மீட்டர் (22 யார்டுகள்) ஆகும்.

5. கிரிக்கெட் போட்டிகளில் பயன்படுத்தப்படும் பந்தின் எடை 163 கிராம்.

6. 17-ம் நூற்றாண்டு முதல் பெண்களும் கிரிக்கெட் போட்டிகளில் விளையாடி வருகின்றனர்.

7. கிரிக்கெட் போட்டியில் இதுவரை அதி வேகமாக பந்துவீசிய வீரர், பாகிஸ்தானின் ஷோயப் அக்தர் ஆவார். அவர் மணிக்கு 161.3 கிலோமீட்டர் வேகத்தில் பந்தை வீசியுள்ளார்.

8. ஆயிரம் டெஸ்ட் போட்டிகளில் பங்கேற்ற முதல் நாடு என்ற பெருமையை இங்கிலாந்து பெற்றுள்ளது.

9. 1900-ம் ஆண்டு நடந்த ஒலிம்பிக் போட்டியில் கிரிக்கெட் இடம்பெற்றிருந்தது.

10. 1729-ம் ஆண்டில் பயன்படுத்தப்பட்ட கிரிக்கெட் பேட், ஓவல் மைதானத்தில் வைக்கப்பட்டுள்ளது.

------------------------------------------------------------------------------------------------

அக்டோபர் 29

மழை

1. மழைத்துளிகள் 0.1 முதல் 9 மில்லிமீட்டர் வரை விட்டத்தை கொண்டதாக இருக்கும்.

2. மழைத்துளிகள்  மணிக்கு 18 முதல் 22 மைல் வேகத்தில் பூமியை அடைகின்றன.

3. ஹாண்டுரஸ் நாட்டில் உள்ள யோரோ நகரில் ஒருமுறை மீன் மழை பெய்துள்ளது.

4. அதிக வெப்பமுள்ள பாலைவனப் பகுதியில் மழை பெய்தாலும், அது பாதியிலேயே ஆவியாகிவிடும்.

4. அமெரிக்காவில் உள்ள பழங்குடிகள், மழையை வரவழைப்பதற்காக கூட்டம் கூட்டமாக நடனம் ஆடுவார்கள். தங்கள் உடல் அசைவுகள் மழையை வரவழைக்கும் என்பது அவர்களின் நம்பிக்கை.

5. அன்டார்டிகாவில் ஆண்டுக்கு 6.5 அங்குலம் மழை மட்டுமே பெய்கிறது.

6. ஒவ்வொரு பகுதியின் சுற்றுச்சூழலுக்கும் ஏற்ற வகையில் சிவப்பு, மஞ்சள், பச்சை, கருப்பு ஆகிய நிறங்களிலும் சில சமயம் மழை பெய்யும்.

7.  மேகாலயாவில் உள்ள மாசிராம் மற்றும் ஹவாயில் உள்ள மவுண்ட் வயாலேல் ஆகிய பகுதிகள் உலகில் தற்போது அதிக மழை பெய்யும் இடங்களாக உள்ளன.

8. தங்கள் நாட்டின் பல்வேறு பகுதிகளிலும் செயற்கை மழையை பெய்ய வைப்பதற்காக அமெரிக்கா ஆண்டுதோறும் சுமார் 15 மில்லியன் டாலர்களை செலவழிக்கிறது.

9. பூமியைப் போல் மற்ற கிரகங்களிலும் மழை பெய்வதாக ஆய்வில் தெரியவந்துள்ளது.

10.மழைத்துளிகள் மேகத்தில் இருந்து விடுபட்டு பூமியை அடைய 2 நிமிடங்கள் ஆகும் என்று கணக்கிடப்பட்டுள்ளது.

-------------------------------------------------------------------------------

அக்டோபர் 30

கப்பல்

1. கிமு 4000-ம் ஆண்டுவாக்கில் எகிப்தியர்கள் மரத்தால் செய்யப்பட்ட கப்பல்களை பயன்படுத்தியதற்கான சான்றுகள் உள்ளன.

2. பல்லாயிரம் ஆண்டுகளாக கப்பல்கள் இருந்தாலும், 16-ம் நூற்றாண்டு முதல்தான் அவை அதிகம் பயன்படுத்தப்பட்டு வருகின்றன.

3. ஆரம்ப காலகட்டத்தில் துடுப்புகளையும், பாய்மரங்களையும் பயன்படுத்தி கப்பல்கள் இயக்கப்பட்டன.

4. 19-ம் நூற்றாண்டில் நீராவிக் கப்பல் கண்டுபிடிக்கப்பட்டது.

5. இரண்டாம் உலகப் போரின்போது டீசல் இஞ்ஜின்களைக் கொண்ட கப்பல்கள் அதிகம் பயன்படுத்தப்பட்டன.

6. பயணிகள் கப்பல் சராசரியாக மணிக்கு 23 மைல் வேகத்தில் செல்லும்.

7. கப்பல்களில் பணியாற்றுபவர்கள் தங்கும் அறைகள் பெரும்பாலும் கப்பலின் கீழ்ப்பாகத்தில்தான் இருக்கும்.

8. கப்பல்களில் பூனைகள், குறிப்பாக கறுப்பு பூனைகள் இருந்தால் பயணத்தில் இடையூறுகள் இருக்காது என்ற நம்பிக்கை மேற்கத்திய நாட்டு மக்களிடையே உள்ளது.

9. சரக்கு கப்பலின் இஞ்ஜின், கார்களின் இஞ்ஜினைவிட ஆயிரம் மடங்கு ஆற்றல் வாய்ந்தது.

10. உலகின் மிகப்பெரிய கப்பலாக ‘சீவைஸ் கப்பல்’ உள்ளது. இதன் நீளம் 458.46 மீட்டர்.

-----------------------------------------------------

அக்டோபர் 31

தங்கம்

1. மனிதர்களால் இதுவரை சுமார் 2 லட்சம் டன் தங்கம் பூமியில் இருந்து தோண்டி எடுக்கப்பட்டுள்ளது.

2. உலகின் அனைத்து கண்டங்களிலும் தங்கம் கிடைக்கிறது.

3. தங்கத்தால் செய்யப்பட்ட மிக பழமையான பொருள் பல்கேரியாவில் கிடைத்துள்ளது. இது 6,500 ஆண்டுகளுக்கு முற்பட்டது.

4.  1912-ம் ஆண்டுவரை ஒலிம்பிக்கில் வழங்கப்பட்ட தங்கப்பதக்கங்கள், முழுக்க முழுக்க தங்கத்தாலேயே செய்யப்பட்டன. ஆனால் அதன் பிறகு அவை வெள்ளியில் செய்யப்பட்டு தங்க முலாம் பூசப்படுகிறது.

5.கடல்களின் ஆழத்தில் சுமார் 10 பில்லியன் டன் தங்கம் இருக்கும் என்று கருதப்படுகிறது. ஆனால் அவற்றை எடுப்பது மிகவும் கடினம்.

6. தங்கத்தை 1,064 டிகிரி செல்ஷியஸ் வெப்பத்தில் உருக்கலாம்.

7. தங்கம் உற்பத்தியில் தற்போது சீனா முதல் இடத்தில் உள்ளது.

8. உலகின் மிகப்பெரிய தங்கக்கட்டியை மிட்சுபிஷி நிறுவனம் தயாரித்துள்ளது. அதன் எடை 250 கிலோ.

9. உலகின் மிகப்பெரிய தங்கக் காசு வியன்னாவில் உள்ளது. அதன் எடை 31.1 கிராம்.

10. ஒரு மனிதனின் உடலில் சராசரியாக 0.2மில்லிகிராம் தங்கம் இருக்கும்.